سجل اسمك بدون رسوم

السلام عليكم ورحمة الله يا شباب وشابات الدفعة
انا طبعاً زعلان جداً جداُ لانو ما كلموني بالمنتدي ده وعرفته بيهو عن طريق الصدفة
لكن خير يا طلو بعرف اخلصه منك كيف ؟؟؟؟؟
انا بالجد سعيد كل السعادة بالمجهود المقدر ده العملو الشباب ديل
لانو بالجد حاجة جميلة جدا
ممكن بي واسطة المنتدي ده الناس تعرف اخبار بعض وتكون متواصله مع بعض
احب اني احي في البدء المجهود الجبار البذلو الشباب مؤسسين المنتدي وبقول ليهم لكم كل تقدري واحترامي
وبعد ده نجي خاشين علي الشباب الحلو عشان نعرف الشمارات نمسكم واحد واحد:
- طلال اسماعيل : انا طبعاً زعلان منك جدا لانك ما كلمتني بالمنتدي ده لكن الغفر ليك عندي انك عملته شغل جميل .
- الود محمد نور : وين انت يامان من عرس اخت فيصل تاني ما شفناك انا كنت قايلك رجعته الهند ، ابقي وورينا اخبارك .
- الاخ العزيز محمود صديق : لك كل الشكر علي هذا المجهود الجبار البذلتو من اجل ، ووين انت يا شاب اخبارك مقطوعة من ما اتخرجنا لاحس ولا خبر ابقي اظهر وورينا خبرك .
- البت عزة النور: انتي برضوا من ديك وعيق من عرس عمر صديق تاني ما ظهرتي ، لكن عارف اخبارك كلمني بيها الجيلي قال لي نزلتو كلية المشرق والله ما شاء الله ربنا يوفقكم وما تقطعو اخباركم .
- البت اسماء عبد الرحمن : انا والله قربته انسي شكلك ده كان ما نسيتوا لانوا من خلصنا من الجامعة اخباركم انقطعت علي العموم ورينا اخبارك والحاصل بيك .
- العالم سامر محمد : ده كمان كلاموا تاني حقو براهو ما بتسأل من الناس ولاشغال بينا الشغلة مع اني متابع اخبارك ودايماُ قاعد اسأل منك نسيتنا ولا شنو ياسمور ؟؟؟؟؟
- الود عبدون : عامل فيها مهم خالص يعني شنو يعني غني عن التعريف هو البعرفك منو اصلاً
طبعاً عبدون ده مكرهني النت قربته اخلي ليهم ، طبعاً هو الوراني بي موضوع المنتدي ده وعن طرق الصدفة لكن برضو كتر خيرو وبارك الله فيهو احسن من ناس كده ؟؟؟
نسيت اقول ليكم انا منو ولا عرفتوني .......؟
انا علي محمد الدفة 3